Premiered on 18 May 2024

සිහිනයක් වෙන්න ඔබව දැක ගන්න
ඔබයි මගේ හදේ ඇඳී හීන දේදුන්න

මෙතැන් පටන් මගේ ලියැවිලි සමග එකතුවෙන්න ඔබ සැමට ආරාධනා කරනවා.
මම නදීකා ගයත්‍රි පෙරේරා

කියන්න තියන දේ කියනව ළමයා
මුකුත් නෑ...නිදාගන්න දැන්...
නැතිවෙන්න බෑ..මොනාහරි තියෙනව වගේ දැනෙනවා
අහන්නද...
අහන්න
ඔන්න ඇහුවා 1,2,3 ...
හරි අහන්න
ඔයාට පුලුවන්ද මට ආදරේ කරන්න...
සත්තකින්ම පුලුවන්
දැන් මළත් කමක් නෑ...
මැරෙන්න වෙන්නෙ මගේ අත්දෙක උඩ නැත්නම් මගේ උකුල උඩ නැත්නම් මට පස්සේ
එච්චර හිතන්න එපා...දැන් නිදාගන්න...
දාල යන්න ලෝබයි.. කොහොමද කියන්න දැන් යන්නේ
උදේට එන්න...
හා උදේට එන්නම්..තව ටිකක් ඉඳලම යන්නම්..රාත්‍රිය තරුණ වෙනකම්ම ඉන්න උනා අපිට මේක කියාගන්න
රාත්‍රිය තරුණ උනාම හරිම ලස්සනයි...

4.59 ...

එහෙනම් මැණික

5 ...

ගිහිල්ලා එන්නම්..හෙට එන්නම් නැවුම් ආදරයක් අරන්

යන්න දෙන්න හිතෙන්නෙ නෑ...

මටත්

ගිහින් එන්න කමක් නෑ...

පරිස්සමෙන් ඉන්න හිනාවෙලා ඉන්න

ටිකක් ඉන්නවද තව...විනාඩි දෙකක්...

ඉන්නම්.. බෑ කියන්නත් බෑ..යන්නත් බෑ වගේ..පාලුයිද ගියාම

හ්ම්ම්..ඔව් ..ගොඩක්...

ඉක්මනින් ඇවිත් ඔයා...

ආවා නොදැක ඉන්න බෑනේ මගේ ආදරේ

ඒකද ඉක්මනින් ආවෙ...

ඔව්. මම ඉතින් ගොඩක් ආදරෙයිනේ

කොච්චරක්ද? ...

මම කලින් හිතුවෙ ඒ ආදරේ තරම දන්නවා කියලා. ඒත් මම ඇත්තටම ඒකෙ තරම දන්නෙ නෑ.

හොයල කියනවද? ...

මෙච්චර දවසක් හෙව්ව. හොයන එක තේරුමක් නෑ.

හොයාගන්න වෙන එකක් නැද්ද කවදාවත්ම ...

මම හිතන්නෙ බැරි වෙයි. හැබැයි එහෙම හොයාගන්න පුලුවන් උනොත් ..ඒ ආදරේ ඇති වැඩක් නැති වෙනවා නේද?

හ්ම්ම්..එහෙනම් හොයන්න එපා...

මට කවියක් ඕනේ...

ලියන්නම් කොහොමහරි

හැමෝම කැමති වෙයි...

ඔව් හැමෝම ආදරේට ලෝබයි

ඔයාගේ කවි වලට ආසයි ගොඩක් අය...

ඔව් ඒවට කමෙන්ට් කරන සෙට් එකක් ඉන්නවා. දැන් ඉතින් ඔයා තමයි ස්පෙශල්

හ්ම්ම් ඒකනේ.. ආදරෙයිද මට...

ඔව්..ඒක කියන්න බැරි තරම් ෆීලින්ග් එකක්

ඒකත් ලියන්න...

දන්නවද ..ආදරේ සික් එකේ සිටි කෙල්ලෙක් ලෙසද පැමිණිය හැක...

අනිවාර්යයෙන්..ඒක මරු. දැන් ඒ කෙල්ලට තියෙන්නෙ අලුත් සික් එකක්. එහෙම නේද?

හ්ම්ම් අලුත් එකක්...හැමදාම ඉන්නවද මා එක්ක...

මම ගියොත් ඔයාට ගොඩක් දුක හිතෙනවද?

ඔව් මොනව වෙයිද කියන්න දන්නෙ නෑ...

එහෙනම් මම ඔයාට පස්සෙ යන්නම්.. නැත්නම් අපි දෙන්නම එකට

සමහර වෙලාවට හ්ම්ම් කියන එකත් මාරයි

හීහී..එහෙමද..ඒකෙ තේරුම හොයන්න ඕනේ නේද...

තේරුම් හොයන්න ගියොත් එපා වෙයි...

ඔව් ..ඊයෙ ඔයා කීපාරක් හ්ම්ම් කිව්ව කියලද හිතන්නේ

ඒක ගනන් කරන්න එපා....

ආදරේ උනත් අමාරුයි නේද එක දිගට කරන්න

ඔයාට එහෙමද ? ...

බඩ්ඩක් කියන්නද? ...

ආයෙ බඩ්ඩක්

ඔයා දන්නෙ නෑ. මම කලින් ඉඳලම ඔයා එක්ක කතා කරන්න මාර ආසයි. අනේ මන්දා ඒක කැමැත්තක් විතරයි...

අම්මෝ ඉතින්. කියන්න එපැයි ඒ කාලෙම

කොහෙ කියන්නද ..දැක්කනෙ කියන්න ගිය කාලයක්...හීහී

ඔයා කතා කරන විදියෙන් මට තේරුනේ ..අර මම කිව්වෙ සීනි බෝල කෙල්ලෙක් කියලා..අන්න ඒ විදියට

අනේ බොල අහගන්න එපා මගෙන්...

මම දන්නෙ මෙච්චරයි
මේ බලාහිඳීම
මොනතරම් වේදනාකාරී උනත්
මං ඔයාව අතාරින්නෙ නෑ සත්තයි
මොකද මං ඔයාට හරි ආදරෙයි...

ඉස්සර තරම්ම ආදරෙයිද

ඔව් ඒක වෙනසක් වෙන්නෙ නෑ...

කොහොම උනත් දුරින් ආශ්‍රය කරන එක තමයි හොඳ ඕන කෙනෙක්ව...මාව උනත් එහෙමයි...

අනිවාර්යයෙන් ඒක ඇත්ත. තමන්ගෙ personal දේවල් අනුන්ට කියන්න යන්න ඕනෙ නෑ. ඔව් ඔයා උනත් එහෙම තමා

ඒ කියන්නෙ ඔයා මාව දුරින්ද ආශ්‍රය කරන්නෙ...

ඔයානේ කිව්වෙ ඔයාව උනත් එහෙම ආශ්‍රය කරන්න කියලා

ඔයා කැමති විදියට කරන්න එහෙනම්...

විහිලුවක් තේරෙන්නෙ නැද්ද මෝඩ ළමයෝ

ආදරේම විහිලුවක් නේද? ...

"ඉතීන් එහෙනම් නවතිමි. හදීන් පිටමන් නොකරමි"

එහෙම කරන්න තමයි ගියේ මම

එහෙනම් හදින් පිටමන් නොකර තව තියාගෙන ඉන්නෙ අහවල් එකටද?

අනේ වෙලාවකට බෑ කියලත් හිතෙනව අප්පා

ඒ කියන්නෙ මාව දාල ගිහින් ඉන්න පුලුවන්ද?

බැරි උනත් එහෙම කරන්න වෙන වෙලාවන් සමහර වෙලාවට ඔයාම ඇති කරනව

හරි එහෙනම් බායි

ඒයි ඔහොම ඉන්නව මැට්ටෝ

ඔයාට ආයේ කවමදාවත් මගේ මූණ බලන්න ඕනෙ නැද්ද...

බලමු ඒක කියන්න බෑ. ඔයාට ආස දේනෙ ඔයා කලේ

උත්තරයක් ඕනෙ. කෙලින් උත්තරයක්

බලනව. ඒත් කවද්ද කියන්න දන්නෙ නෑ

එහෙනම් බලන දවසට ආයෙ මාත් එක්ක කතා කරන්න එතකම් කතා කරන්න ඕනෙ නෑ

එතකොට දැන් මමද ඒකට වැරදි. හරි ඕකේ

එතකොට ඔයා මම එපා කියන දේවල් කරන්නේ

මම එහෙම කරල නෑ. අනික ඔයා හොඳට දන්නව මම කැමති නෑ කියල ඒකට. ඒත් ඔයා කරන්නෙ ඔයාට ඕන දේ

ප්ලීස් ඇති නවත්වන්න. කතා කරල තේරුමක් නෑ

මම කවුද ඔයාගේ?

ඉස්සර නම් ඔයා මගේ හැමදේම

දැන්?

දැන් එහෙම නෑ අපි වෙන්වෙලා. මම ඔයා නැතුව ඉන්න පුරුදු වෙලා. ඔයාට තරහ යනව මොන දේ කිව්වත් එහෙනම් ඉතින් මම කරදර නොකර ඉන්නම්. මගේ පාඩුවේ ඉන්නම් ඉවරනේ එතකොට.

ඒ කියන්නෙ ඔයාට ඕනෙ මගෙන් අයින් වෙන්න.

දැන් ඔයාමනේ කිව්වෙ අපි වෙන්වෙලා. ඔයාට මන් නැතුව ඉන්න පුලුවන් ඔයා ඒකට පුරුදු වෙලා බ්ලා බ්ලා

දැන් ඔයා හැමදේම මාත් එක්ක කියන්නෙ නෑනේ. දේවල් බෙදාගන්නෙ නෑනේ

මොනවද දැන් මං ඒ වගේ කරල තියෙන්නේ. එකක් කියන්න බලන්න

ඒවා දැන් වැඩක් නෑ. මේ ඔක්කොම ඉවරයි. ඔයා සතුටින් ඉන්න.

ඔයාට ඕනෙ විදියකට හිතාගන්න. මොන දේ කිව්වත් වැරදි

මගේ පස්සෙන් එන්නෙ ඇයි මෙච්චර

ආදරේ නිසා. ඔයාට ගෞරවයක් තියන නිසා. ඔයා මගේ හොඳම යාලුවා නිසා. ඕන දෙයක් කියන්න පුලුවන් එකම කෙනා ඔයා නිසා. එහෙම නැත්නම් ඔයාව මං සත පහකට ගනන් ගන්නෙ නෑ.

මම ඔයාගෙ හොඳම යාලුවද?

ඒ විතරක් නෙමේ කලින් කියපු ඔක්කොම.

එහෙනම් තරහ ගන්නෙ හැම වෙලාවෙම?

මම පිලිගන්නව මට තරහ යනව කියලා. ඒක මම ටික ටික හදාගන්නම්.

ඒක ඔයා හදාගන්නෙ නෑ කවදාවත්

මොන විකාරයක්ද කියවන්නේ

ඔය දැක්කද මං කිව්වෙ...

හොඳම දේ නොගැලපෙන ඒක තේරුම් අරන් අයින් වෙන එක. මේවා විසඳෙන ප්‍රශ්න නෙමේ.

හරි දැන් ඔයාට ඔනේ ඒකද?

ඔයත් එක්ක දෙයක් කතා කරල විසඳගන්න බෑ

දැන් ඔය කතා කරල විසඳගන්න හැටිද?

රණ්ඩු කරනවට වඩා කතා නොකර ඉන්න එක හොඳයි.

එහෙම ඉන්න් පුලුවන්ද?

බෑ තමයි. ඒත් මේ යන විදියට අමාරුවෙන් හරි ඉන්න වෙනවා.

හ්ම්ම්..එන්න පපුවට තුරුලු කරගන්න.

ඒයි මේ...

මොකො

අපි දැන් ආයෙත් යාලුයිද?

යාලුවෙනව තරහ වෙනව කියන දෙකම එකක් මගෙ හිතේ

මම නම් ඔයාව අතෑරල දාල හිටියේ...

හෑ මොකක්.. එතකොට දැන්.

ඔව් මම මටම පොරොන්දු වෙලා හිටියේ ආයෙ ඔයා එක්ක කිසිම සම්බන්දයක් තියාගන්නෙ නෑ කියලා.

දැන් එහෙම නෑනේ. ආයෙ එහෙම ඉන්න එපා හොඳේ. බැරි වෙලාවත් ඕව ඇත්තටම උනොත්?

ඇත්තටම කරන්න තමයි මම හිටියේ.

එහෙම කරන්න එපා. ප්‍රශ්න කතා කරල විසඳගමු. මම ඉවසන්නම්.

හිනස්සල මරන්නද යන්නේ...

ඔයාට ඇත්තටම මාව ඕනේ නෑ නේද? මම නැතුව ඉන්නකොට ජීවත් වෙන්න ලේසියි නේද? හිත සැහැල්ලුයි නේද මම නැති උනාම?

ආයේ ඔය පිස්සු විකාර ඇදල අරගෙන රණ්ඩු කරන්නද හදන්නේ?

ඇත්තටමයි අහන්නේ. ප්ලීස් උත්තර දෙන්න.

එහෙම නෑ මෝඩියේ. පිස්සු කියවන්නෙ නැතුව ඉන්නවද?

ඊයෙ ඔයාගෙ මූඩ් පොඩ්ඩක් වගේ අවුල්නේද? මූණත් හරි නෑ ඔයාගේ. ඇයි මොකද්ද ප්‍රශ්නේ?

ඔයා උනත් මම උනත් එක එක්කෙනා සමහර දේවල් වලට රිඇක්ට් කරන විදියට අපිට එපා වෙන වෙලාවල් තියනවා. ඒක අපි දෙන්නටම පොදුයි. එහෙම කියල ඒ වෙලාවට දාල යන එකවත් affair එක නවත්වන එකවත් නෙමේ කරන්න ඕනේ. වැරදෙන තැන් හදාගෙන තේරුම් අරගෙන ඉස්සරහට යන එක.

හරි එතකොට ඊයෙ මූඩ් අවුල් මොකද?

හ්ම්ම්.. නිකම් මූඩ් කියන දේවක් නිතර වෙනස් වෙනව

හා. අද කියමු හොඳට හාද..

ඔයාගෙන් නම් මට මැරුණත් ගැලවෙන්න බැරි වෙයිනේ මේ යන විදියට.වල ගාවට ඇවිත් ඉඳී මැරුණමත්

ඉතින් ඒකයි වෙන්න ඕනේ. මටත් එහෙමමයි වෙනසක් නෑ

ඒ කියන්නේ මගෙන් ගැලවීමක් නෑ කියලද?

ඔයා කිව්ව තේරුම තියෙන්නේ. ඔයාගෙන් අයින් වෙලා ඔයා නැතුව ඉන්න බෑ කියන එක.

ඇත්තටමද?

ඔව් ඉතින්

මෝඩයා. මාව හම්බවෙන්න කලින් එහෙනම් හිටියෙ යසට.

එහෙම ලොකු යසක් කියල එකක් තිබ්බෙ නෑනේ

දැනුත් ඉන්න බෑද ඒ වගේ මන් නැතුව

..... (දිග සුසුමක් සමග නිහඬතාවයක්)....

අම්මෝ විහිලුවට ඇහුවෙ...එන්න මගේ පණ

ඔයාට මාව අමතක වෙයි නේද?

නෑ එහෙම වෙන්නෙ නෑ

වෙයි අවුරුදු දෙක තුනක් ගිහින්

එහෙම වෙනවනම් ඒ කියන්නෙ ඇත්තටම ආදරේ කරල නෑ කියන එක.

ඔයා ඉතින් ඇත්තටම ආදරේ නෑනේ

ඒ ඔයාට හිතෙන හැටිනේ

නෑ ඒ මට දැන් දැනෙන හැටි. ඒක වෙනස් කරන්න පුලුවන් ඔයාට විතරයි.

නෑ ඒකෙන් කොටසක් ඔයාටත් වෙනව හදාගන්න.

ඔන්න ආයෙත් පරණ තැනටම එනව.

Ok fine

එතකොට තනියම කොහෙවත් යන්න දෙන්නෙ නැද්ද? මේවා කලින් අහල දැනගන්න එපැයි.

එහෙම යන්න ඕනෙ උනොත් යන්න පුලුවන්.

ඒ ගියත් කෝල් එකේ ඉඳියි නැත්නම් විනාඩි පහෙන් පහට කොල් ගහයි. ඔය ටික තමා වෙන්නේ

ඔය කිවෙ හරියටම. නැතුව කොහොමද ඉතින්. මන් ඔයාට මාර විදියට ආදරෙයි

මටත් ඉතින් ඔයාව ඕනෙ හැමදාටම. මේ ඇයි දන්නෙ නෑ නේද එහෙම. රටේ ලෝකෙ වෙන කොල්ලො නැතුවද?

මේක ගලවන්න බැරි බැඳීමක්

මරණයෙන් කෙලවර වෙයිද?

නැතිවෙයි

ඒ කියන්නෙ ආත්ම ගානකට මට ගැලවීමක් නෑ නේ..😮😮

අනේ මට ඔයාව අමතක වෙන්නෙ නෑ කවදාවත්ම...

මම දන්නව. ඒත් ඔයා..මම .. පුරුදුවෙලා ඉන්නව අනිත්කෙනා තමන් ගැන ගොඩක් හොයල බලනවට..එහෙම නැති උනාම හිත රිදෙනවා නේද?

ඔව් ගොඩක් රිදෙනවා...

ඒක තමා. ඒක ඔයාට මට අපි දෙන්නටම අදාලයි

ඒත් තරහ උනාම පාඩුවේ ඉන්න කියල ෆෝන් එකත් බ්ලොක් කරල ගිහින් ඔයා ඉන්නවනෙ මැසෙජ්වත් නොකර...

ඉන්නෙ කොහොමද කියල ඔයා දන්නවනේ. අමුතුවෙන් කියන්න දෙයක් නෑ නේද?

මම අන්බ්ලොක් කරන්න කියල නොකිව්වොත් ඔයාට කොච්චර දවසක් ඉන්න පුලුවන්ද? ...

දවසක්වත් ඉන්න බෑ

එතකොට හිතට වද දෙනවද බ්ලොක් කරපු එක? ...

ඔව් සත්තකින්ම

මට හිතෙනව එහෙමම මගහැරිලම යයි කියල සදහටම...

මට බයක් තියනව අපි මැරිලා ඊලඟ ආත්මෙදි මුණනොගැහේවිද කියලා.

හ්ම්ම්

එහෙම වෙයිද අපිට..මගහැරෙයිද අපිව. මට නම් හිතන්නත් බයයි...

ඕව ගැන හිතන්න යන්න එපා. ඒවා කොහෙන් කෙලවර වෙයිද දන්නෙ නෑ.

ඔයා කිව්වට මට ඒක නිතරම හිතෙනව. අනේ....එහෙම උනොත්...

එපා සුදු..

නොමැරී ඉන්න තියෙනව නම් කියල හිතෙනව එහෙම හිතෙනකොට...

ඒ ගැන හිතන්නෙ නැතුව ඉන්න

ප්‍රාර්ථනා බලවත්නේ. අපි එහෙම ප්‍රාර්ථනාවක් කරමු...

ඔව් ප්‍රේම් කිව්ව වගේ ..ප්‍රියේ නුඹම උපනුපන් ජාති හමුවේවා!!!

ඇයි කතා කරන්නෙ නැත්තේ...

මේ වෙලාවෙ කතා කරන්න මූඩ් එකක් නෑ. කතා කලොත් ඔයා නිකන් බැණුම් අහගන්නවා. මට එහෙම ඔනේ නෑ

එතකොට ආයෙ කතා කරන්නේ ගොඩ දවසකින්ද? ...

නෑ

කතා කරල බනින්න. ඒක ඉවසගෙන ඉන්න පුලුවන්. කතා නොකර ඉන්න එකයි බැරි ...

බෑ. ඔයා ඉවසයි. ඒත් මට ඉවසන්න බෑ.

අනේ ප්ලීස්.. කමක් නෑ මට බනින්න. බනින්න හිතේ තරහ යනකම්..මේ පැය තුන ගෙව්වෙත් හරිම අමාරුවෙන්..කෝල් කරනකම් බලාගෙන හිටියා මං...

බෑ. එහෙම බැන්නට පස්සෙ ඉන්න අමාරුයි.

එතකොට හිත නිදහස්නේ...

නෑ එතකොට හිතට ගොඩක් දුකයි

ඔයාගෙ ආදරේ මත මගේ ජීවිතේ තීරණය වෙන තැනට ඇවිත්..
ඒක වැරදි වෙන්න පුලුවන්..
මම බල කරන්නෙ නෑ මට ආදරේ දෙන්නම කියලා..
ඒත් ඔයාට ඕනෙ නම් හිමින් මගෙන් ඈත් වෙන්න..
ඔයාට ඒක කරන්න පුලුවන්
මේ දැන් වෙනව වගේ..

සමහර දේවල් තියනවා ඒවා ඔයාට කියන්නේ නෑ.
මොකද ඒ මම ආදරේ කරන විදිය.
හැම දේකටම දෙන්න යන්නෙ නෑ..
දැන් ඔය ඔයා කියන දේවල් මොකක් නිසාද කියන්නෙ කියල මම දන්නවා..
හැබැයි ටිකක් ආයෙ හිතුවොත් ඔයාටම තේරෙයි මොකද්ද උනේ කියලා..

මම දන්නවා සමහර වෙලාවට ඔයා මට නොකියන නොතේරෙන විදියට ලොකු කැපකිරීම් කරනව කියල..මට සමාවෙන්න
මම පොඩි දේවල් ලොකුවට අරන් හිත රිද්දුව නේද?

මට ඕන වෙලාවට ඔයා ලඟ නෑ

මම ඉන්නවා

නෑ ඕනෙම වෙලාවට

නෑ පැටියෝ ඉන්නවා

නෑ ඔයා නෑ. වචනෙන් විතරයි

ඔයා හිතාගන්න ඕන එකක්. මේ වෙලාවෙ argue නොකර රෙස්ට් කරන්න.

ඕනෙ නෑ

නිදි නැද්ද?

නෑ

ඇයි 12:30 යිනෙ වෙලාව

නිදිමත නෑ. මට ඕනෙ නිසා ඇහැරලා ඉන්නවා

ඔයාට ඕනෙ නිසා..ආ.. සොරි ඇහුවට

නිදාගන්න කලින් බේත් ටික බොන්න.

ඔයාට වැඩක් නෑනේ ඒවා. මම් බේත් බිව්වත් නැතත්. අනික බොලඳ මිනිස්සු කරන වැඩ ගැන වද නොවී ඉන්න.

හා හරි. කියන දේ කොහොමටවත් තේරුම් ගන්නෙ නැත්නම් ඊට එහාට මොනව කියන්නද

ඔයාට ඕනෙනම් හැමදේම. මට ඕනෙනම් බෑ. ඒකට දාහක් හේතු

හ්ම්ම්...

ඔහොම බලන් ඉන්න එපා මැසේජ් කරනකම්. ඒකත් පට්ට බොලඳයි හරිද. නිදාගන්න. බායි

ඔයාගෙ නපුරුකම මටනේ හැමදාම. කවදහරි මම මැරිලා ගියත් ඔයා දැනගන්නේ පස්සෙ. මොකද හැමදාම මට ඕන වෙලාවට ඔයා මගෙ ලඟ නෑ.

ආයෙ කියන්නෙ නෑ. තේරුම් ගන්න බැරි කෙනෙක්ට සිය පාරක් තේරුම් කලත් වැඩක් නෑ

ඔයාට පුලුවන් වෙලාවට මාත් එක්ක ඉන්නවද? නෑ

මම දන්නව මට පුලුවන් හැම වෙලාවකම අනිත් දේවල් පවා මගහැරගෙන ඔයා එක්ක ඉන්නව කියලා. ඔයා එහෙම නෑ කියල කියනවනම් තේරුමක් නෑ කතා කරලා.. argue කරලා

ඔයා එහෙම නොහිටිය දවස් තිබ්බා නොසෑහෙන්න.

හ්ම්ම්...

......(පැය ගානකට පසු)

ඇයි තාම ඇහැරිලා

නිකම්

එහෙනම් මැසෙජ් වලට අනෙක් පැත්තට රිප්ලයි කරන්නේ.

හ්ම්ම්...

බලන් ඉන්නව නේද මම මැසේජ් කරනකම්...

ඔයාට ඉක්මනින් මගේ මලගෙදර එන්න වෙයි.

මගෙ යකා අවුස්සන්නෙ නැතුව ඉන්නවද? කට තිබුන පලියට කියවන්න එපා.

..............(නිහඬතාවයක්)....

හ්ම්ම් විකාර කතා කියවන්න එපා. සොරි මම කෑගැහුවට. ඔය වගේ දේවල් ආයෙ කියන්න එපා. ඔයා දන්නව මන් ගැන

ඔයා මගේ පණ. රණ්ඩු වෙන්න තරහා වෙන්න යාලු වෙන්න හැමදේකටම මට ඉන්නෙ ඔයා විතරයි. ආදරෙයි කියන්නෙ නැද්ද?

හ්ම්ම් ඒක ඔයා දන්නව. ආයෙ අර වගේ කතා කියන්න එපා.

මම කියන ඒවට ඔයාගෙ හිත රිදෙනව ඇති ගොඩක්. මට සමාවෙන්න.

ඒ ගැන හිතන්න එපා. මම ඔයාට ගොඩක් ආදරෙයි

ඇති යන්තම් ආදරෙයි කිව්ව.